Walter Landin
Kennscht du detscht du


cjm Verlag Speyer, Erscheinungstag: 6. März 1993
früherer Verkaufspreis: 15,00 DM, im Buchhandel nicht mehr erhältlich
Bezug nur über den Autor 

 


Zwei Gedichte aus KENNSCHT DU DETSCHT DU


Mercedes Benz

Och liewer Gott
Willscht mer kään Mercedes kaafe?
Moi Freunde fahrn all Porsches
Ich muß immer laafe
Hab moi Leewe lang gschafft
Un nix zammegerafft
So liewer Gott
Willscht mer kään Mercedes kaafe?

Och liewer Gott
Hoscht kään Farbfernseher fer mich?
Moi Freunde hän all Video
Schwarzweiß is ferschderlich
Jedi Nacht bis zum Schluß
Ich verzehl der kään Stuß
So liewer Gott
Hoscht kään Farbfernseher fer mich?

Och liewer Gott
Loß mich äämool groß ausgehe
Ich zehl uff dich do drowwe
Loß mich net im Rege stehe
E Steak mit Pommes un Salat
Un bezahl die neggscht Rat
So liewer Gott
Loß mich äämool groß ausgehe



Dodevun hot die Janis Joplin gedräämt.



Johre her


Wie kannen die Katz im Hinnerhof maundse
Mer hän se gegrault, s is Johre her
Wie kannen die Katz am Zaun rumdowe
Mer hän se gedrickt, s is Johre her
Geischt vun de Katz
Maundsd im Hinnerhof

Wie kannen die Katz an de Hinnerder scherre
Mer hän se geknuddelt, s is Johre her
Wie kannen die Katz unnerm Kerschebaam deese
Wu mer se begrawe hän, s is Johre her
Geischt vun de Katz
Segelt iwwers Heisel


zurück zur Bücherseite